Ölkə sakinlərini kafe və restoranlarda nələr qane etmir: xidmət, yeməklərin dadı, öncədən yazılmanın olub-olmaması, yoxsa xarici turist axını? İnsanoid bununla bağlı sosial şəbəkələrdə sorğu keçirib və 770 şərhə əsaslanaraq ən xoşagəlməz məkanları sizə təqdim edir. Siyahıda restoranlar “pis”dən “ən pis”ə doğru sıralanıb:
10. Şərhlər arasında Nargiz Mall-un ikinci mərtəbəsində yerləşən Happy Moon da yer alıb. İzləyicilər yeməklərin dadsız olduğunu yazıblar.
[gallery columns="1" link="file" size="full" ids="55640,55641"]
9. Zooparkın yanındakı Leman Kültür-ə gedənlər yeməklərə, servisə və hətta oradakı canlı musiqiyə görə bir daha bu məkana getməyəcəklərini söyləyiblər. Müştərilər keyfiyyətin qiymətə uyğun olmamasını vurğulayıblar.
[gallery columns="1" link="file" size="full" ids="55622,55624,55623,55625"]
8. Borani restoranına üz tutanlar yeməklərin dadsız, xidmətlərinin isə pis olduğunu vurğulayıblar.
[gallery columns="1" size="full" link="file" ids="55646,55642,55643,55645,55644"]
7. Pak Dad restoranı barədə bir neçə neqativ şərh yazılıb. İstifadəçinin sözlərinə görə, “Park Bulvar”dakı filialda lahmacunun içindən həşərat tapılıb. Paytaxt salatının isə turşumuş halda müştəriyə verildiyi deyilib.
[gallery columns="1" link="file" size="full" ids="55621"]
6. Özsüt-də personalın ləng fəaliyyəti qaneedici deyil. Həmçinin orada köhnə şirniyyatların təzə adı ilə satıldığı məlum olub.
[gallery columns="1" size="full" link="file" ids="55647,55648,55649"]
5. Neqativ şərhlərin sayına görə beşinci yerdə Neşve restoranı qərarlaşıb. Müştərilər ofisiantların işindən narazı qaldıqlarını və bir daha həmin məkana üz tutmayacaqlarını bildiriblər.
[gallery columns="1" size="full" link="file" ids="55834,55833,55832,55829,55830,55831"]
4. İçərişəhərdə yerləşən Salam Baku-dakı xidmət də şikayətsiz ötüşməyib. Müştərilərin sözlərinə görə, onlar yeməkdə tük aşkarlayıblar. Gətirilən kabablar isə çiy olub.
[gallery link="file" columns="1" size="full" ids="55634,55632,55633"]
3. Canlı musiqisi ilə məşhur olan Ajda haqda yazılan şərh digərlərindən fərqlənir. Belə ki, oraya istirahətə gələn müştərinin sifariş etdiyi yeməkdən qurd çıxıb. Bununla yanaşı, restoranın sanitar qovşağının vəziyyətinin də pis olması qeyd edilib.
[gallery columns="1" link="file" size="full" ids="55627,55626,55628,55629,55630"]
2. Dərya Balıq Evi haqqında yazılan şərhlərə əsasən, məkanda rezervasiya yoxdur və servis sıfır səviyyəsindədir. Müştərilər, həmçinin yeməklərin dadından şikayətlənirlər.
[gallery columns="1" size="full" link="file" ids="55652,55654,55653,55650,55651"]
1. Ən çox neqativ şərh toplayan Bakı və Gəncədə fəaliyyət göstərən Kolorit restoranı siyahıya başçılıq edir. İzləyicilər yeməklərin dadından, servisdən və əcnəbi turistlərin (ərəblərin) axınından narazıdırlar.
[gallery columns="1" link="file" size="full" ids="55638,55635,55637,55636"]
