Bu ilin 15-27 dekabr tarixlərində Bakı, Sumqayıt şəhərləri və Abşeron rayonunda fermer təsərrüfatlarında 6829 sayda iribuynuzlu heyvan haqqında məlumatlar elektron sistemə daxil edilib. Bu barədə Qida Təhlükəsizliyi Agentliyi 27 dekabr tarixində məlumat verib.
Sistemə daxil edilən heyvanların 1400-dən çoxu Bakı, 5400-dən çoxu isə Sumqayıt şəhərinin payına düşür.
Yaradılan Heyvanların İdentifikasiyası və Qeydiyyatı Sistemi “fermadan süfrəyədək” prinsipinə uyğun olaraq heyvan mənşəli qida məhsullarının izlənilməsinə imkan yaradacaq və yoluxucu xəstəliklərin yayılmasının qarşısını alacaq.
2022-ci ildən etibarən heyvanların identifikasiyası mərhələli şəkildə bütün ölkə üzrə tətbiq olunacaq.
