“Avroviziya-2022”də Azərbaycanı təmsil edəcək mahnının seçimi üzrə qəbul elan edilib. Bu barədə dekabrın 30-da İTV-nin mətbuat xidmətinə istinadən Report xəbər verib.
Seçimdə iştirak etmək istəyən şəxslərdən öz mahnılarını 31 yanvaradək [email protected] elektron ünvanına göndərmələri xahiş olunur.
Göndəriləcək mahnı demo versiyada təqdim olunmalıdır və 3 dəqiqədən çox olmamalıdır. Həmçinin mahnı 2021-ci il sentyabrın 1-dən əvvəl televiziya, radio və ya internet vasitəsilə yayımlanmamalıdır.
“Avroviziya-2022” mahnı müsabiqəsi 10, 12 və 14 may tarixlərində İtaliyanın Turin şəhərində təşkil olunacaq.
