Azərbaycan Britaniyanın qızıl-gümüş hasilatçısı “Anglo Asian Mining Plc” şirkətinə Zəngilandakı "Vejnəli" qızıl-gümüş yatağının istismarına icazə verib. Bu haqda 2 dekabr tarixində Report məlumat verib.
Yaxın zamanlarda yatağın mövcud ehtiyatları və analiz üçün geoloji nümunələr toplanacaq. Həmçinin yeraltı mədənin girişlərinin GPS xəritəsi hazırlanacaq.
"Vejnəli" yatağı təxminən 300 kvadrat kilometr ərazini əhatə edir.
“Anglo-Asian Mining” Azərbaycanda 1997-ci ildə imzalanmış müqavilə əsasında hasilatla məşğul olur. Müqavilədə Azərbaycanın payı 51%, Britaniya şirkətinin payı isə 49% təşkil edir. İlk qızıl hasilatına 2009-cu ildə "Gədəbəy" yatağında başlanılıb.
