Azərbaycan yaxın vaxtlarda beynəlxalq məhkəmədə Ermənistana qarşı daha iki iddia qaldıracaq. Bunu dekabrın 27-də Azərbaycanın xarici işlər naziri Ceyhun Bayramov söyləyib.
Onun sözlərinə əsasən, beynəlxalq arbitraja Azərbaycan təbiətinə vurulan ziyanla bağlı müraciət ediləcək.
Digər iddia isə Azərbaycanın təbii sərvətlərinin qanunsuz istifadəsi ilə əlaqədar olacaq.
Daha öncə Birləşmiş Millətlər Təşkilatının Beynəlxalq Ədalət Məhkəməsi Ermənistanın Azərbaycana qarşı “müharibə məhbuslarının dərhal geri qaytarılması” və Hərbi Qənimətlər Parkının bağlanmasına dair tələblərini rədd edib. İmtinaya səbəb Ermənistanın bir sıra məsələlərlə bağlı məhkəməyə əsaslandırılmış sübutlar təqdim edə bilməməsidir.
