Azərbaycan dekabrın 18-19-da Tbilisidə keçiriləcək ənənəvi qış xeyriyyə sərgi-satış yarmarkasında iştirak edəcək. Bu haqda 14 dekabrda Report məlumat verib.
Ölkəmiz “Made in Azerbaijan” brendli məhsulların yer alacağı milli guşə ilə təmsil olunacaq. Həmçinin ziyarətçilər Azərbaycanın milli təamlarını dadmaq imkanı da əldə edəcəklər.
Ümumilikdə tədbirə Gürcüstanda akkreditə olunmuş 30-a yaxın səfirlik və beynəlxalq təşkilatların nümayəndəliklərinin qatılması nəzərdə tutulub.
Əldə olunan gəlir həssas qrupa aid insanlar üçün keçiriləcək layihələrə yönəldiləcək.
