2021-ci ilin ilk 10 ayında Azərbaycan 14,927 milyard kubmetr qaz ixrac edib. İxrac edilən qazın müqabilində 2,951 milyard dollardan çox gəlir əldə edilib. Bu barədə 29 noyabr tarixində Dövlət Gömrük Komitəsinin hesabatında deyilir.
Həmin dövr ərzində ən çox qaz İtaliyaya ixrac olunub. Bu ölkəyə 3,995 milyard kubmetr qaz ixrac edilib və bu ölkəyə 1,267 milyard dollardan çox vəsait gətirib. Azərbaycan qazını ən çox idxal edən digər 2 ölkə isə Türkiyə və Gürcüstandır. Türkiyəyə 1,206 milyard dollar müqabilində 7,832 milyard kubmetr, Gürcüstana isə 281 milyon dollar müqabilində 2,261 milyard kubmetr qaz ötürülüb.
Beləliklə, ixrac olunan qaz hər 1000 kubmetr üçün İtaliyaya 317,3 dollara, Türkiyəyə 154 dollara, Gürcüstana isə 124 dollara satılır.
Azərbaycan qazını idxal edən digər ölkələr isə Yunanıstan, İran İslam Respublikası və Bolqarıstandır. Bu ölkələrə müvafiq olaraq 501,7 milyon, 169,4 milyon və 166 milyon kubmetr qaz ixrac olunur.
