Cari ilin ilk 10 ayı ərzində Azərbaycanda meyvənin ixracı 21,4% artıb, tərəvəzin ixracı isə 22,5% azalıb. Bu haqda Dövlət Statistika Komitəsinin son hesabatında deyilir.
Hesabata əsasən, qeyd olunan müddətdə ixracda ən çox artım pambıq lifində (44%), şəkərdə (30,5%), meyvə və tərəvəz konservlərində (24,3%) və kartofda (12,9%) qeyd olunub. Ən çox azalma isə çayın (19,9%), bitki yağlarının (15,4%) və tütünün (13,6%) idxalında müşahidə olunub.
Həmin dövr ərzində xam şəkərin idxalı 1,9 dəfə, tərəvəzin idxalı 40%, kartofun idxalı 20,8% artıb, buğda idxalı 22%, mal ətinin idxalı 44,4%, siqaretlərin idxalı isə 32% azalıb.
