Azərbaycanda hazırda 33 min 788 nəfər narkotik istifadəçisi var. Bu haqda dekabrın 8-də Respublika Narkoloji Mərkəzinin baş direktoru məlumat verib.
“Ölkəmizdə 65 yaşdan yuxarı 207 nəfər narkotik istifadəçisi qeydiyyatdadır. Azyaşlıların sayı statistikada 9 nəfər olsa da, bu, tam statistikanı əks etdirmir. Çox vaxt narkotik istifadəçiləri müalicə üçün müraciət etmir. Qeydiyyatda olanlardan 619-u qadındır”, - deyə direktor bildirib.
O əlavə edib ki, 15-17 yaş arası narkotik istifadəçilərinin sayı 9 nəfər, 18-24 yaş arası 2 242 nəfər, 25-29 yaş arası 5 403 nəfər təşkil edir.
Mərkəzin direktorun sözlərinə görə, narkotik istifadəçilərinin ən rahat müayinə üsulu ekspress test üsuludur. Bu yolla ən qısa zamanda hansı narkotik vasitədən istifadə edildiyini bilmək mümkündür.
