2021-ci ilin ilk 11 ayında Azərbaycanda qeyri-neft məhsullarının ixracı 2,4 milyard dollar təşkil edib. Bu da ötən ilin eyni dövrü ilə müqayisədə 720,8 milyon dollar və ya 44% çoxdur. Bu barədə İqtisadi İslahatların Təhlili və Kommunikasiya Mərkəzinin 6 dekabr tarixində dərc etdiyi “İxrac icmalı”nda deyilir.
Sözügedən dövr ərzində qeyri-neft ixracında pambıq ipliyində 3,4 dəfə, qara metallar və onlardan hazırlanan məmulatlarda 2,3 dəfə, kimya sənayesi məhsullarında 2,7 dəfə, pambıq lifində 70,2%, şəkərdə 29,8%, alüminium və ondan hazırlanan məmulatlarda isə 69,3%, artım qeydə alınıb.
2021-ci ilin noyabr ayında qeyri-neft sektoru üzrə ixrac 307,2 milyon dollar təşkil edib. Bu da ötən ilin eyni dövrü ilə müqayisədə 58,7% çoxdur.
