Yeni ili qeyd etmək istəyənlər daha çox hotellərə üz tuturlar. Bayrama az zaman qaldıqca, boş yerlərin də sayı get-gedə azalır. Bəs bu məkanlarda 2022-ci ili qarşılamaq hansı qiymətə başa gəlir? Bunu öyrənmək üçün İnsanoid araşdırma aparıb.
Ən yüksək qiymətlər Qusarın hotellərində müşahidə olunub. Pik Palace Hotel-də Yeni ili keçirmək iki nəfərə 2500 manata başa gələcək. Bura dekabrın 31-dən yanvarın 2-dək səhər yeməyi və Yeni il gecəsi daxildir.
[gallery columns="1" size="full" link="file" ids="15214"]
Eyni bölgədə yerləşən Park Chalet Hotel-də qiymətlər çox fərqlənməyərək iki nəfər üçün 2350 manatdan başlayır. Qeyd edilən məkanlarda yerlər artıq tamamilə tutulub.
[gallery columns="1" link="file" size="full" ids="15216"]
Şimal bölgəsinin digər məşhur məkanı Quba Palace Hotel-də müştərilərə 2 gecəlik Yeni il şənliyi paketi təklif olunur. Qiymət 1550 manat təşkil edir. Bura 3 dəfə qidalanma daxildir. Qala gecənin xüsusi qonağı Nigar Camal olacaq.
[gallery columns="1" size="full" link="file" ids="15219"]
Qəbələ Azərbaycanın ən çox hoteli olan bölgəsi olsa da, burada Yeni il şənliyi üçün yer tapmaq çətindir. Bölgənin ən məşhur hoteli olan Qafqaz Tufandag Mountain Resort Hotel-də sözügedən bayramı keçirtmək azı 1326 manata başa gəlir. Yüksək qiymətlərə baxmayaraq, burada da boş yerlər yoxdur.
[gallery columns="1" size="full" link="file" ids="15220"]
Azərbaycanın ən qədim şəhərlərindən biri olan Lənkəran da qeyd edilənlərdən geri qalmır. Lankaran Springs Wellness Resort-da Yeni il üçün nəzərdə tutulan paketin qiyməti 1170 manatdan başlayır. Buraya 3 dəfə qidalanma, içkilər və şənlik gecəsi daxildir.
[gallery columns="1" size="full" link="file" ids="15221"]
Bakının dəbdəbəli məkanlarında isə 2022-ci ili qarşılamağın qiyməti 500 manatdan başlayır. JW Marriott Absheron-da mövcud olan kampaniya çərçivəsində 2 nəfər üçün hoteldə bir otaq və qala gecəsi cəmi 505 manata başa gəlir. Paytaxtın digər hoteli Four Seasons-da isə 1 gecəlik yer və Yeni il şənliyi 807 manatdır.
[gallery columns="1" size="full" link="file" ids="15228"]
