Noyabrın 22-dən dekabrın 2-dək yalnız Tərtər-Goranboy rayonları istiqamətində yeni yolların çəkilməsi zamanı 638 mina aşkar edilərək zərərsizləşdirilib. Bu haqda Müdafiə Nazirliyindən məlumat verilib.
Minalardan 537 ədədi piyada əleyhinə, 101-i isə tank əleyhinə olub.
Bugünədək ümumilikdə 13 177 hektar ərazi minalardan təmizlənib, 616 kilometr yol çəkilib, 16 860 mina və partlamamış döyüş sursatı aşkar olunaraq məhv edilib.
Qeyd edək ki, 2021-ci ilin noyabr ayında 9 nəfər Ermənistan tərəfindən qurulmuş minaya düşmüşdür. Nəticədə 1 mülki şəxs həlak olmuşdur. Hadisələr Cəbrayıl, Ağdam, Goranboy, Laçın, Füzuli və Zəngilan rayonlarının ərazisində baş vermişdir.
