Bu gün, aprelin 16-sı saat 9:00-dan 17 aprel saat 20:00-dək Azadlıq prospektində təmir işləri ilə əlaqədar hərəkət məhdudlaşdırılacaq. Bu barədə Azərbaycan Avtomobil Yolları Dövlət Agentliyindən məlumat verilib.
Belə ki, sözügedən prospektin Sahib Zeynalov küçəsi ilə kəsişməsindən Şamil Əzizbəyov küçəsinin kəsişməsinə qədər olan hissəsində nəqliyyat vasitələrinin hərəkəti məhdudlaşdırılacaq.
“Sürücülərdən sözügedən ərazidə diqqətli olmaları və alternativ yollardan istifadə etmələri tövsiyə olunur”, - deyə Agentlikdən əlavə olunub.
