Azərbaycan Almatıda keçirilən Qazaxıstan Beynəlxalq “Turizm və Səyahət” - “KİTF 2022” sərgisində təmsil olunur. Bu haqda aprelin 20-də Dövlət Turizm Agentliyindən məlumat verilib.
Milli stendimizdə 5 yerli turizm şirkəti, 2 mehmanxana qrupu, “Azərbaycan Hava Yolları” QSC, Naxçıvan Turizm Departamenti və “Duzdağ Hotel” iştirak edir. Burada, həmçinin işğaldan azad olunan ərazilərin turizm potensialı barədə məlumat verilir, Azərbaycanın sağlamlıq turizminin imkanları ziyarətçilərə təqdim olunur.
Sərgi 22 aprelədək davam edəcək.
“KİTF” sərgisi 2001-ci ildən etibarən hər il keçirilir. Sözügedən tədbir Mərkəzi Asiya üzrə ən böyük peşəkar turizm platforması hesab edilir. Sərgiyə 15 ölkədən 250-yə yaxın şirkətin qatılacağı gözlənilir.
