"Azərbaycanın 4 çayında - Bəsitçay, Oxçuçay, Bərgüşad və Araz çaylarında quraşdırılacaq avtomat hidrometeoroloji stansiyalar keyfiyyət sensorları ilə təchiz ediləcək". Bunu 19 aprel tarixində Report Milli Hidrometeorologiya Xidmətinin rəisi Umayra Tağıyevaya istinadən məlumat verib.
Onun sözlərinə görə, bu proses avtomat stansiyalar vasitəsilə çayın çirklənməsini onlayn, avtomatik və fasiləsiz olaraq müəyyən etməyə imkan verəcək.
"İstər beynəlxalq qurumlar, istərsə də Azərbaycanın istənilən yerli qurumu həmin stansiyalar vasitəsilə çayın çirklənmə səviyyəsi barədə onlayn məlumat ala biləcəklər”, - deyə Umayra Tağıyeva bildirib.
Milli Hidrometeorologiya Xidmətinin rəisi bildirib ki, Qarabağda olan çaylar üzərində 10 avtomat hidrometeoroloji stansiya quraşdırılacaq.
