Dövlət sərhədini pozmağa çalışan şəxslər saxlanılıblar. Bu barədə İnsanoid Dövlət Sərhəd Xidmətinə istinadən bu gün, 11 sentyabr tarixində xəbər verir.
Sentyabr ayının 9-da saat 21:44-də “Xudat” sərhəd dəstəsinin xidməti ərazisində Azərbaycan Rusiya Federasiyası istiqamətində dövlət sərhədini pozmağa cəhd göstərən Nepal vətəndaşları - 22 yaşlı Karkı Ghımıre Renuka, 29 yaşlı Bahattaraı Menuka, 26 yaşlı Pantha Bal Krıshna, 37 yaşlı Raut Dıp saxlanılıblar.
Araşdırma zamanı saxlanılan şəxslərin Rusiyadan Portuqaliyaya miqrasiya etmək niyyətində olmaları müəyyən edilib.
[caption id="attachment_129247" align="alignnone" width="696"]
Foto DSX-nin rəsmi saytı[/caption]
Sentyabr ayının 10-da saat 13:45-də “Horadiz” sərhəd dəstəsinin xidməti ərazisində İran İslam Respublikasından Azərbaycan Respublikası istiqamətində dövlət sərhədini pozan İran vətəndaşı - 46 yaşlı Parsabad şəhər sakini Həmidi Bəhmən Hacımahmud sərhəd pozucusu qismində saxlanılıb.
Araşdırma zamanı saxlanılan şəxsin dövlət sərhədini Azərbaycandan Avropa ölkələrinə getmək məqsədi ilə pozması müəyyən olunub.
[caption id="attachment_129248" align="alignnone" width="696"]
Foto DSX-nin rəsmi saytı[/caption]
Sentyabr ayının 10-da saat 21:45-də “Lənkəran” sərhəd dəstəsinin Astara rayonunun Qapıçıməhəllə kəndi yaxınlığında yerləşən sərhəd zastavasının xidməti ərazisində İran İslam Respublikasından Azərbaycan Respublikası istiqamətində dövlət sərhədini pozan Əfqanıstan İslam Respublikası vətəndaşları - 30 yaşlı Seraj Helaluddin Serajeddin və 26 yaşlı Haidari Ezatulla Abdulkasım sərhəd pozucusu qismində saxlanılıb.
Araşdırma zamanı saxlanılan şəxslərin dövlət sərhədini Azərbaycandan Avropa ölkələrinə getmək məqsədi ilə pozmaları müəyyən olunub.
Faktlar üzrə əməliyyat-istintaq tədbirləri davam etdirilir.
