"Azərxalça” ASC-nin sabiq sədri, ev dustaqlığında vəfat edən Vidadi Muradovun hüquqi varisi Bakı Apellyasiya Məhkəməsinin qərarından kassasiya şikayəti verib. Bu barədə iyunun 29-da Trend xəbər yayıb.
Məlumata görə, şikayət ərizəsi Ali Məhkəməyə təqdim edilərək 30 milyon manatlıq əmlakın üzərindən həbsin götürülməsi istənilib.
Vidadi Muradov 2021-ci ilin 9 yanvar tarixində həbs edilmişdir. O, 21 milyon 673 min manat məbləğində pul vəsaitini mənimsəməkdə ittiham olunmuşdur.
Sabiq sədr onkoloji xəstəlikdən əziyyət çəkirdi. Bu səbəbdən məhkəmə noyabrın 1-də onun azadlığa buraxılması haqda qərar qəbul edib. Noyabrın 5-də isə V.Muradov dünyasını dəyişib.
