2032-ci ilə kimi “AzerGold” QSC 13 min yeni iş yerinin yaradılmasını planlaşdırır. Bu barədə Cəmiyyətin İdarə Heyətinin sədri Zakir İbtahimova istinadən 14 dekabr tarixində Report xəbər verib.
Sədrin sözlərinə görə, “AzerGold”un strategiyasına əsasən, şirkətin illik dövriyyəsinin 2038-ci ilədək 1 milyard dollara çatdırılması planlaşdırılır. Qeyd edilib ki, 2020-2035-ci illər üzrə sirkətin məcmu gəlirlərinin 18,5 milyard manata çatdırılması nəzərdə tutulub: "Bununla yanaşı ölkənin məcmu ÜDM-inə 24,5 milyard manat həcmindən töhfənin verilməsi, 1,7 milyard manat məbləğində məcmu vergilərin ödənilməsi planlaşdırılır”.
“AzerGold” QSC 2015-ci ildə yaradılıb. Cəmiyyət Qaradağ, Çovdar, Göydağ, Dağkəsəmən filiz sahələrinin, Köhnəmədən sahəsinin və Kürəkçay hövzəsi yataqlarının öyrənilməsi, tədqiqi, kəşfiyyatı, işlənməsi və idarə olunması ilə məşğul olur.
