“AzerGold” QSC fəaliyyət dövründə 285 min unsiya qızıl, 560 min unsiya gümüş ixrac edib. Bu əməliyyatlardan ölkə iqtisadiyyatına 755 milyon manat cəlb olunub. Bu barədə 14 dekabr tarixində QSC-nin İdarə Heyətinin sədri Zakir İbrahimova istinadən Report məlumat verib.
Cəlb olunan vəsaitin 72 milyonu dpvlət büdcəsinə vergi və sosial ödəmələr qismində köçürülüb. Zakir İbrahimovun sözlərinə görə, bu dövr ərzində 222 min metrə yaxın buruq qazma işləri həyata keçirilib.
“AzerGold”un audit olunmuş maliyyə hesabatına əsasən, şirkətin ötən ilki xalis mənfəəti 82 milyon manat təşkil edib”, - deyə sədr əlavə edib.
“AzerGold” QSC 2015-ci ildən fəaliyyət göstərir. Hal-hazırda Çovdar qrupuna aid “Çovdar”, “Ağyoxuş” və “Mərəh” yataqlarında hasilat işləri aparır.
