Bərdədə kişi birgə yaşadığı qadını bıçaqlayıb. Bu haqda fevralın 1-də APA məlumat yayıb.
İnsident rayonun Bahadır Hacıyev küçəsində baş verib. Rayon sakini sərxoş vəziyyətdə qeyri-rəsmi birlikdə yaşadığı qadını münaqişə zəminində bıçaqlayıb.
Faktla bağlı “qəsdən sağlamlığa ağır zərər vurma” maddəsi ilə cinayət işi başlanılıb.
Baş Prokurorluğun məlumatına əsasən, 2021-ci ilin 9 ayı ərzində 51 qadın öldürülüb, 24 qadın isə yaralanıb. Vətəndaşlar qadına qarşı zorakılıq halları ilə üzləşdikdə Baş Prokurorluğun “961” Çağrı Mərkəzinə müraciət edə bilərlər.
