Binəqədi və Nəsimi rayonlarında bıçaqlanma hadisələri baş verib. Bu haqda 31 dekabr tarixində Report məlumat paylaşıb.
Belə ki, Nəsimi rayonunda mübahisə zamanı 1982-ci il təvəllüdlü şəxs bıçaqlanıb və təcili tibbi yardımın köməkliyi ilə xəstəxanaya çatdırılıb. O, həkim nəzarətinə götürülüb.
Biləcəri qəsəbəsində isə mübahisə zəminində 36 yaşlı kişi boynundan və döş qəfəsindən bıçaq xəsarətləri alıb. Yaralı xəstəxanada əməliyyat olunub və reanimasiya şöbəsinə yerləşdirilib.
İnsidentlərin təfərrüatları araşdırılır.
Azərbaycanda 2021-ci ilin birinci yarısında 15 minə yaxın cinayət hadisəsi baş verib. Onlardan qəsdən adam öldürmə və adam öldürməyə cəhdlərin sayı 109 təşkil edib.
