Bakıda noyabrın 22-də xarici vətəndaşın bank kartından 27 min dollar oğurlayan iki şəxs saxlanılıb. Bu barədə DİN məlumat verib.
Məlumata əsasən, şübhəli bilinən şəxslər virtual oyunlarda ödəniş edərkən zərərçəkənin kartından istifadə ediblər. Həmçinin onlar kart vəsaitini onlayn alış-veriş saytlarında xərcləyiblər.
Saxlanılan şəxslər ifadələrində törətdikləri əməli etiraf ediblər.
Faktla bağlı araşdırma davam edir.
