Bugün, 23 dekabr tarixində Bakı Ağır Cinayətlər Məhkəməsində Bakı Şəhər İcra Hakimiyyətinin sabiq Aparat rəhbəri Rasim Quliyevə hökm oxunub. Bu haqda Report məlumat verib.
Təqsirləndirilən şəxs 3 il müddətinə azadlıqdan məhrum edilib.
Qeyd edək ki, Rasim Quliyev Nəsimi rayonunda yaşayış binalarının və 1893-cü ildə inşa edilmiş tarixi abidə kimi dövlət tərəfindən mühafizə olunan evlərin sökülməsinə səbəb olub.
O, “vəzifə səlahiyyətlərindən sui-istifadə”, “qanunla müəyyən olunmuş qaydaları pozmaqla tikinti və ya quraşdırma işlərinin aparılmasına icazə vermə” maddələri ilə ittiham olunub. Prokuror onun 6 il müddətinə azadlıqdan məhrum edilməsini istəyib.
