Bakıda Müqəddəs Məryəm katolik kilsəsinin təmir-bərpa işləri dekabrın 2-də başa çatdırılıb. Bu barədə Heydər Əliyev Fondu məlumat verib.
Məlumata əsasən, kilsədə hidroizolyasiya təmin edilərək dam örtüyü təmir olunub.
Daha öncə, 1912-ci ildə inşa olunan kilsə bolşeviklər hakimiyyətə gəldikdən sonra dağıdılmışdır. Azərbaycan müstəqilliyini bərpa etdikdən sonra isə Heydər Əliyevin göstərişi ilə kilsənin inşa edilməsi üçün ərazi ayrılmışdır.
Beləliklə, Müqəddəs Məryəm katolik kilsəsi 2008-ci ilin mart ayında istifadəyə verilib.
Bundan sonra, 2008-ci ilin sentyabrında Heydər Əliyev Fondu və Roma Katolik dini icması arasındakı əməkdaşlığa əsasən kilsənin asma tavan şüşələri vitraj bədii şüşələrlə əvəz edilmişdir və məbədin fasadında keramik panno yerləşdirilmişdir.
[URIS id=14619]
