Bakıda qadının çantasından 2000 manatlıq mobil telefon oğurlanıb. Bu barədə 19 oktyabr tarixində Daxili İşlər Nazirliyi İnsanoid-ə məlumat verib.
Biləcəri qəsəbəsi ərazisində Abşeron rayon sakini A.Əliyevanın çantasından 2000 manat dəyərində mobil telefonunu oğurlamaqda şübhəli bilinən Sumqayıt şəhər sakini, əvvəllər oğurluq və narkotiklərlə əlaqəli cinayətlərə görə məhkum olunmuş Vidadi Nəzərov saxlanılıb.
Araşdırmalarla onun Yasamal rayonu ərazisində B.Əliyevin cibindən içərisində 780 manat və şəxsiyyət vəsiqəsi olan cüzdanını, A.Səfərovanın isə içərisində pulu, bank kartları və sənədi olan cüzdanını oğurlaması, sonradan həmin qadının bank hesabından 114 manat pulunu çıxarması da müəyyən olunub.
Faktla bağlı araşdırma davam etdirilir.
