Bakı Mühəndislik Universitetinin itkin düşən 3-cü kurs tələbəsi Lamiyə Binnətova tapılıb. Bu barədə aprelin 19-da 1news.az məlumat yayıb.
Onun bu gün Masallı rayonunda tapıldığı bildirilir. L.Binnətovanın yaxınlarının dediyinə görə, Lamiyə sevgilisi ilə qaçıb: “Lamiyənin çoxdan sevgilisi olub. Ailəsinin xəbəri var idi, lakin qızın anası bu münasibətə qarşı olub”.
Xatırladaq ki, gənc qız aprelin 1-də saat 16:50 radələrində müəllimdən icazə alaraq universitetdən çıxıb və geri qayıtmayıb.
***
11:19
Bakı Mühəndislik Universitetinin (BMU) tələbəsi Binnətova Lamiyə Nizami qızı 18 gündür, itkin düşüb. Bu haqda aprelin 19-da APA xəbər verib.
Gənc qız aprelin 1-i saat 16:50 radələrində müəllimdən icazə alaraq universitetdən çıxıb. Daha sonra isə Lamiyə Binnətova naməlum istiqamətə gedərək itkin düşüb.
