Bakı–Sumqayıt yolunda baş verən avtobus qəzası zamanı ölən şəxsin kimliyi məlum olub.
Bu barədə 2 avqust tarixində Report məlumat verib.
O, 2006-cı il təvəllüdlü Ağayeva Məryəm Maqsud qızıdır.
Qeyd edək ki, avqustun 2-də saat 11:00 radələrində Bakı–Sumqayıt avtomobil yolunun 29-cu kilometrliyində Hüseynov Nazim Kazım oğlunun Bakı–Sumqayıt ekspres marşrut xətti üzrə idarə etdiyi “NEOPLAN” markalı, 99-JH-667 dövlət qeydiyyat nişanlı avtobus qarşıda gedən Yunusov Adil Şəmil oğlunun idarə etdiyi, 42 nömrəli marşrut xətti üzrə hərəkətdə olan “İSUZU” markalı, 50-DO-539 dövlət qeydiyyat nişanlı avtobusla toqquşub.
Toqquşmadan sonra “İSUZU” markalı avtobus yoldan çıxaraq aşıb və nəticədə 1 nəfər sərnişin hadisə yerində həyatını itirib. Əraziyə yol polis əməkdaşları cəlb ediliblər, faktla bağlı araşdırma aparılır.
***
12:13
Bakı–Quba yolunda ağır yol-nəqliyyat hadisəsi baş verib, iki sərnişin avtobusu toqquşub. Bu barədə 2 avqust tarixində APA məlumat verib.
Hadisə Bakı–Quba yolunun 29-cu kilometrində qeydə alınıb.
10 nəfərdən çox yaralının olduğu bildirilir.
[gallery columns="1" link="file" size="full" ids="187601"]
