Bakıda və bölgələrdə elektrik enerjisindən qanunsuz istifadə halları aşkarlanıb. Bu barədə İnsanoid bu gün, 6 sentyabr tarixində “Azərişıq” ASC-yə istinadən xəbər verir.
Abşeronda iki ayrı fərdi yaşayış evində mənzilə sayğac sxemindən kənar xətt daxil olması məlum olub.
Eyni zamanda Xəzər rayonunda, Maştağa kəndində və Balakən rayonunda fərdi yaşayış evlərinə baxış keçirilərkən evlərə sayğac sxemindən kənar xətt daxil olması aşkarlanıb.
Ağstafa rayonunda fərdi yaşayış evində sayğacın giriş və çıxış xətlərinin eyni yuvada birləşdirildiyi müəyyən edilib.
Fərdi yaşayış evləri ilə yanaşı, obyektlərdə də elektrik enerjisindən qanunsuz istifadə halları aşkar edilib. Zirə qəsəbəsində yerləşən marketlərin birində, Şirvandakı gözəllik salonunda da obyektlərə sayğac sxemindən kənar xətt daxil olduğu müəyyən olunub.
