Bakıda bank hesablarından oğurluq edən şəxslər tutulub. Bu barədə 15 aprel tarixində Report Daxili İşlər Nazirliyinə istinadən məlumat verib.
Məlumata əsasən, Nizami Rayon Polis İdarəsinin 24-cü Polis Şöbəsinə aprelin 6-da Bakı şəhər sakinlərinin 1 000 və 120 manat pullarının bank hesablarından oğurlanması barədə müraciətləri daxil olub.
Polis əməkdaşları tərəfindən oğurluqları törətməkdə şübhəli bilinən Bakı şəhər sakini, Ağcabədi rayon sakini və əvvəllər də oğurluğa görə məhkum olunmuş daha bir nəfər saxlanılıblar.
Faktla bağlı araşdırma aparılır.
