“Təmiz heykəl” layihəsi çərçivəsində paytaxtın abidələri yuyulacaq. Bu barədə aprelin 15-də Mədəniyyət Nazirliyindən məlumat verilib.
Təbiət hadisəsi və insan faktorunun təsiri ilə çirklənmiş heykəllərin və büstlərin yuyulması və xüsusi məhlullarla təmizlənməsi nəzərdə tutulur.
Təmizlənəcək heykəllərin və abidələrin siyahısı:
- Xurşidbanu Natəvan (Məhəmməd Əmin Rəsulzadə küçəsi ilə Əziz Əliyev küçəsinin kəsişməsi, "Azərbaycan" kinoteatrının qarşısı);
- Mirzə Ələkbər Sabir (İstiqlaliyyət küçəsi, Sabir bağı);
- Mirzə Fətəli Axundzadə (Axundov bağı);
- Mikayıl Müşfiq (İnşaatçılar prospekti);
- Mehdi Hüseynzadə (Tbilisi prospekti ilə Bakıxanov küçəsinin kəsişməsi);
- Nəsimi (Nizami küçəsi ilə Səməd Vurğun küçəsinin kəsişməsi);
- Fikrət Əmirov (Üzeyir Hacıbəyov küçəsi);
- Bülbül (Bülbül küçəsi ilə Nizami küçəsinin kəsişməsi);
- Niyazi (Niyazi küçəsi);
- Hacı Zeynalabdin Tağıyev (Səbail rayonu, İçərişəhər metrostansiyası);
- Yusif Məmmədəliyev (İstiqlaliyyət küçəsi);
- Səməd Vurğun (Puşkin küçəsi);
- “Kitabi-Dədə Qorqud” (Nərimanov rayonu, Dədə Qorqud parkı);
- “İstiqlal” (İstiqlaliyyət küçəsi);
- Aleksandr Puşkin (Puşkin küçəsi);
- Volfqanq Amadey Motsart (İnşaatçılar prospekti, Motsart bağı).
Layihəyə aprelin 18-i Xurşidbanu Natəvanın heykəlinin təmizlənməsi ilə start veriləcək.
