Bakıda səhər yeməyi: məkanlar və qiymətlər

Havaların yaxşılaşması ilə səhər yeməyini evdən kənarda edənlərin sayı artır. Mövzunun aktuallığını nəzərə alaraq İnsanoid səhər yeməyi təklif edən bir sıra məkanların qiymət və təkiflərini araşdırma edib sizə təqdim edir:

Paytaxt sakinləri arasında ən populyar yerlərdən biri Big Chefs sayılır. Məkan Dəniz Mall AVM-nin 1-ci mərtəbəsində yerləşir. Burada 2 nəfərlik səhər yeməyinin qiyməti 29 AZN təşkil edir. Çay limitsizdir. Qeyd edək ki, burada yerlərin öncədən rezervasiyası yoxdur.

 

Посмотреть эту публикацию в Instagram

 

Публикация от BigChefs Azerbaijan ?? (@bigchefsazerbaijan)

Rus Dram Teatrının qarşısında yerləşən Tavada restoranında 2 nəfərlik səhər yeməyinin qiyməti 25 AZN, 3 nəfərlik qiyməti 30 AZN, 4 nəfərlik qiyməti isə 35 AZN təşkil edir. Çay və çörək limitsizdir.

 

Посмотреть эту публикацию в Instagram

 

Публикация от TAVADA RESTAURANT (@tavada_restaurant)

Səhər yeməyinizi dəniz qırağında etmək istəyirsinizsə, Ada restoranına üz tutun. Məkan Salyan şosesində yerləşir. Burada 1 nəfərlik qiymət 20 AZN təşkil edir, həftəiçi 20% endirim var. Səhər yeməyi saat 09:00-dan 14:00-dək verilir. Çay limitsizdir.

 

Посмотреть эту публикацию в Instagram

 

Публикация от Ada Restaurant (@adarestaurantbaku)

İçərişəhərdə səhər yeməyi təklif edən bir çox məkan var. Onlardan Burc Qala və La Quzu restoranlarını qeyd edə bilərik.

Burc Qala-da 2 nəfərlik səhər yeməyinin qiyməti 25 AZN, 3-4 nəfərlik isə 55 AZN-dir. Səhər yeməyi həftəsonu və bayram günlərində 09:00-dan 12:00-dək, qalan günlərdə isə saat 13:00-dək verilir. Burada çay və çörək limitsizdir.

 

Посмотреть эту публикацию в Instagram

 

Публикация от BURC QALA Restaurant (@burcqala)

La Quzu restoranında isə 2 nəfərlik səhər yeməyinin qiyməti həftə sonu və bayram günləri 30 AZN, qalan günlər isə 18 AZN təşkil edir. Həftə sonu çay və çörək limitsizdir.

 

Посмотреть эту публикацию в Instagram

 

Публикация от La Quzu (@laquzubaku)

Qız qalası yaxınlığında yerləşən və şəhərə gözəl mənzərəsi olan Roof Top restoranında 2 nəfərlik set 25 AZN, 4 nəfərlik set isə 40 AZN-dir. Çay və çörək limitsizdir.

 

Посмотреть эту публикацию в Instagram

 

Публикация от RoofTop Lounge (@rooftoprestaurantbaku)

Gözəl mənzərəsi olan daha bir məkan Zeyd restoranıdır. Məkan Heydər Əliyev prospektindəki Çinar Plaza-nın 28-ci mərtəbəsində yerləşir. Burada 2 nəfərlik səhər yeməyi 30 AZN-dir. Qiymətə 2 ədəd çörək və 2 çaydan çay daxildir.

 

Посмотреть эту публикацию в Instagram

 

Публикация от Zeyd Restaurant (@zeyd.restaurant)

Günaydın restoranında da səhər yeməkləri təklif olunur. Burada 2 nəfərlik set 56 AZN-dir. Çay və çörək limitsizdir. Səhər yeməyi saat 10:00-dan 13:00-dək verilir. Restoran Xətai prospekti 51 və Aqil Quliyev küçəsi 4 (Bulvar) ünvanlarında yerləşir.

 

Посмотреть эту публикацию в Instagram

 

Публикация от GÜNAYDIN (@gunaydin.baku)

M.Rəsulzadə 3 ünvanında yerləşən Soul Kitchen restoranında isə səhər yeməyi saat 09:00-dan 15:00-dək verilir. 2 nəfərlik qiyməti 25 AZN, 4 nəfərlik qiyməti isə 40 AZN-dir. Çay və çörək limitsizdir.

 

Посмотреть эту публикацию в Instagram

 

Публикация от Soul Kitchen Terrace (@soulkitchenbaku)

Paytaxtımızın mərkəzində, Sahil metrosu yaxınlığında yerləşən Prive Steak Gallery-də səhər yeməyi həftəiçi saat 09:00-dan 12:00-dək, həftəsonu isə 14:00-dək verilir. 1 nəfər üçün qiymət 23 AZN təşkil edir. 6 yaşa qədər uşaqlar üçün pulsuz, 6-12 yaşlı uşaqlar üçün isə qiymət 12 AZN təşkil edir. Məkanda çay limitsiz verilir.

 

Посмотреть эту публикацию в Instagram

 

Публикация от Prive Steak Gallery (@prive_steak_gallery)

Qeyd edək ki, adı çəkilən məkanlarda 5-10% servis haqqı tutula bilər.