Bu il Balaxanı Bərk Məişət Tullantılarının Çeşidlənməsi Zavodundan 57-dən çox avtomobil dövlət nömrə nişanı və 8 sürücülük vəsiqəsi tapılıb. Bu barədə 14 sentyabr tarixində Report məlumat verib.
Bu əşyalar "Təmiz Şəhər” ASC və Bakı Şəhər Dövlət Yol Polisi İdarəsinin “Tap qaytar” adlı yeni layihəsi çərçivəsində dövlət yol polisi əməkdaşlarına təqdim edilib.
Tapılan 57 avtomobil nömrəsinin 8-i xarici ölkə vətəndaşına məxsus olan avtomobil nömrə nişanlarıdır.
Ən diqqətçəkən avtomobil nömrələri isə 90-UE-900, 10-KK-104, 10-SS-557-dir.
"Balaxanı bərk məişət tullantılarının çeşidlənməsi zavodunda tapılan avtomobil dövlət qeydiyyat nişanlarını sürücülər yenidən bərpa etdirə bilərlər".
Bunu Bakı Şəhər Dövlət Yol Polisi İdarəsinin baş inspektoru polis mayoru Araz Əsgərli jurnalistlərə açıqlamasında deyib.
“Tərəfimizdən həmin nömrə sahiblərinə məlumat veriləcək. Onlar öz sənədləri ilə birlikdə bizə yaxınlaşaraq, həmin nömrələri götürə bilərlər".
[gallery link="file" columns="1" size="full" ids="129928"]
