Bakı şəhəri Xətai rayonunun Afiyəddin Cəlilov küçəsində (Yusif Səfərov küçəsindən Xaqani Rüstəmov küçəsinədək) aparılacaq əsaslı təmir işləri ilə əlaqədar bu gündən etibarən avtonəqliyyat vasitələrinin hərəkəti tam olaraq məhdudlaşdırılır.
Bu barədə İnsanoid Azərbaycan Avtomobil Yolları Dövlət Agentliyinə (AAYDA) istinadən bu gün, 24 iyun tarixində məlumat verir.
“Məhdudlaşma təmir işləri bitənədək qüvvədə olacaq.
Sürücülərdən aparılan işlərə anlayışla yanaşmaları, qeyd olunan müddət ərzində hərəkət istiqamətlərinə uyğun alternativ yollardan istifadə etmələri xahiş olunur”, - məlumatda deyilir.
