Azərbaycanın müxtəlif şəhər və rayonlarından olan vətəndaşlar tərəfindən yaradılan petisiya bir aydan da az müddətə 100.000 səs toplayıb. Bu barədə noyabrın 9-da İnsanoid xəbər verir.
Nəticədə soydaşlarımızın təşəbbüsü Fransanın Mesopinions.com adlı petisiya saytında ən populyar petisiyalardan biri oldu.
Həmyerlilərimizin təşəbbüsünə Türkiyə, İsrail, İran, Qazaxıstan, Qırğızıstan, Pakistan və Özbəkistan mətbuatları dəstək olub.
Bakı, Moskva, Köln, Ankara, Moldova, Bişkək və Astanada Fransa səfirlikləri qarşısında aksiyalar keçirilib. İştirakçılar Fransa Senatının altı üzvü tərəfindən irəli sürülən qətnamə layihəsinə etirazlarını bildiriblər.
Eyni zamanda paytaxtın bir çox rayonlarında soydaşlarımızın hazırladıqları petisiyaya dəstək çağırışını əks etdirən plakatlar yerləşdirilib. Onlar, xüsusilə avtobus dayanacaqları və bankomatların yanında yapışdırılıb.
Petisiya 11 oktyabr tarixində yaradılıb. Müəlliflər Azərbaycanın fərqli şəhər və rayonlarından olan 10 vətəndaşdır. Onlar Fransa Senatının qətnamə layihəsinə qarşı çıxış ediblər.
Həmin qətnamənin müzakirəyə çıxarılması noyabrın 15-nə təyin olunub.
Bu qətnamə layihəsinə Azərbaycanı “kütləvi və hərbi cinayətlər üzrə” ittiham etmək, hakimiyyəti Avropa İttifaqının Azərbaycana qarşı sanksiyalar tətbiq etməyi başlatmağa çağırış və Ermənistanın Fransa tərəfindən müasir silahlandırılması tələbi də daxildir.
Dəstək olan hər kəsə dərin minnətdarlığımızı bildiririk!
Petisiyanın Azərbaycan dilində imzalanma qaydası
Petisiyanın rus dilində imzalanma qaydası
Petisiyanın türk dilində imzalanma qaydası
Petisiyanın fars dilində imzalanma qaydası
Petisiyanın ingilis dilində imzalanma qaydası
Petisiyanın qazax dilində imzalanma qaydası
Petisiyanın özbək dilində imzalanma qaydası
Petisiyanın daha çox yayılması üçün bu heşteqlərdən istifadə edək:
#BizAzərbaycanıq #AzərbaycanıQoruyaq
