Boksçumuz Bolqarıstanın paytaxtı Sofiyada keçirilən Avropa birinciliyində bürünc medal qazanıb. Bu barədə aprelin 20-də Azərbaycan Boks Federasiyası məlumat yayıb.
Amin Məmmədzadə (51 kq) 1/8 finalda irlandiyalı, 1/4 finalda ermənistanlı rəqibinə qalib gəlib. Təmsilçimiz üçüncü qarşılaşmasında Gürcüstan idmançısı ilə üz-üzə gəlib. Görüş rəqibin qələbəsi ilə yekunlaşıb.
Nəticədə idmançımız Avropa birinciliyini bürünc medalla başa vurub.
Qeyd edək ki, final görüşləri aprelin 21-də baş tutacaq. Yığmamızın digər oyunçusu Kənan Babayev çempionluq döyüşündə polşalı Nikolas Marsel Pavliklə qarşılaşacaq.
