2021-ci ilin ilk 10 ayı ərzində Azərbaycanda 16,8 milyard dollarlıq məhsul ixrac, 9,3 milyard dollarlıq məhsul isə idxal olunub. Ötən ilin eyni dövrü ilə müqayisədə bu göstəricilər müvafiq olaraq 38% və 6% artıb. Bu barədə məlumat Dövlət Gömrük Komitəsinin 29 noyabr tarixində dərc olunan hesabatında əks olunub.
İxrac edilən məhsulların 88%-i neft-qaz sektorunun payına, 12%-i isə qeyri-neft qaz sektorunun payına düşür. Ən çox idxal olunan məhsullar sırasında maşın, mexanizm, elektrik aparatları və avadanlıqlar yer alır. Onlar ümumi idxalın 24%-ni təşkil edir.
Azərbaycanın ixracında liderlik İtaliyaya məxsusdur. İdxalda isə birinci yeri Rusiya tutur.
