Bu il xarici diplomların tanınması ilə bağlı müraciət edən 3 004 nəfərdən 726-sı mənfi cavab alıb. Bu barədə dekabrın 23-də Təhsildə Keyfiyyət Təminatı Agentliyinin İdarə Heyətinin sədri Eldar Orucov məlumat verib.
Ümumilikdə 2 278 (76%) xarici diplomun Azərbaycanda tanınması həyata keçirilib.
Məlumata əsasən, yanvarda 199, fevralda 274, martda 205, apreldə 246, mayda 256, iyunda 208, iyulda 257, avqustda 261, sentyabrda 310, oktyabrda 338, noyabrda 302, dekabrda 126 müraciət olunub.
Sədrin sözlərinə görə, diplomların tanınması ilə bağlı orta baxılma müddəti ötən ildən 43 gündən 18-ə enib.
Vətəndaşlar xarici ali təhsil diplomlarını taninma.az portalında təsdiqləyə bilərlər. Sənədlərin qəbulu üçün 250 manat ödəniş edilməlidir.
