Azərbaycanın aşağıbüdcəli aviaşirkəti “Buta Airways” Bakıdan Moskvanın “Jukovski” hava limanına və geriyə yerinə yetirilən xüsusi reyslərin sayını artırır. Bu haqda noyabrın 23-də aviaşirkət məlumat yayıb.
Dekabrın 15-dən cümə günləri ilə yanaşı uçuşlar çərşənbə günləri də həyata keçiriləcək. Qiyməti 55 avrodan başlayan aviabiletləri Buta Airways-in saytından və yaxud akkreditə olunmuş agentliklərindən əldə etmək mümkündür.
Pandemiya dövründə Rusiyaya giriş qaydaları ilə buradan tanış olmaq olar.
Qeyd edək ki, Azərbaycana geri qayıtmaq üçün sərnişinlərdə uçuşdan 72 saat əvvəl verilmiş PCR testinin neqativ nəticəsini təsdiq edən sənəd olmalıdır.
