Cəlilabadın sabiq icra başçısı Namiq Zeynalovun cinayət işi üzrə məhkəməsi 2022-ci il yanvarın 6-da keçiriləcək. APA-nın xəbərinə görə, məhkəmə Lənkəran Ağır Cinayətlər Məhkəməsində keçiriləcək.
Cinayət işi hakim Xamməd Nuriyevin icraatında araşdırılacaq.
Qeyd edək ki, N. Zeynalov Cinayət Məcəlləsinin “mənimsəmə və ya israf etmə təkrar törədildikdə”, “şəxs tərəfindən öz qulluq mövqeyindən istifadə etməklə törədildikdə”, “xeyli miqdarda ziyan vurmaqla törədildikdə”, “vəzifə səlahiyyətlərindən sui-istifadə”, “külli miqdarda rüşvət alma”, “təkrar rüşvət alma”, “vəzifə saxtakarlığı” maddələri ilə ittiham olunur.
N.Zeynalov bu vəzifəyə 6 fevral 2018-ci ildə təyin edilmişdi. 2020-ci il dekabrın 8-də isə vəzifəsindən azad edilib.
