Noyabrın 20-də saat 22:00 radələrində Göyçay şəhərində polis əməkdaşı idarə etdiyi xidməti avtomobillə rayon sakinini vurub. Hadisə nəticəsində zərərçəkən aldığı xəsarətlərdən həlak olub. Bu barədə DİN noyabrın 22-də məlumat verib.
Məlumata əsasən, polis serjantı xidmət vaxtı “Ford” markalı avtomobillə velosipedlə yolu keçən vətəndaşı vurub.
Faktla bağlı araşdırma davam edir.
Daha öncə, sentyabrın 11-də Bakının Heydər Əliyev prospektində polis serjantı piyadanı vuraraq ölümünə səbəb olmuşdur. O zaman zərərçəkmiş sürət həddi saatda 90 kilometr müəyyən edilmiş prospektdə piyada üçün ayrılmayan hissədən keçərkən vurulmuşdur.
