Dünən, noyabrın 28-də Füzuli rayonunda DİN-in Daxili Qoşunlarının iki hərbi qulluqçusu minaya düşüb. Bu barədə DİN məlumat yayıb.
Hadisə rayonun Şükürbəyli kəndində baş verib. 2001-ci il təvəllüdlü Sarib Məmmədzadə və 2002-ci il təvəllüdlü Murad Məmmədzadə xəstəxanaya yerləşdiriliblər.
DİN-dən verilən məlumata görə, Murad Məmmədzadənin sol ayağı topuqdan amputasiya edilib. Digər minaya düşən hərbçinin isə müalicəsi davam etdirilir.
Ötən həftə Laçında “Azərişıq” ASC-nin əməkdaşı xidməti vəzifəsini yerinə yetirərkən minaya düşmüşdür. Ümumilikdə 2020-ci il noyabrın 10-dan cari ilin noyabrın 22-dək 180-ə yaxın şəxs minaya düşərək həlak olub və ya yaralanıb.
