Dövlət Turizm Agentliyi tərəfindən yaradılan www.mymenu.az saytı 10 avqust tarixindən istifadəyə verilib. Bu barədə saytın təqdimatında Agentliyin Regional İnkişaf Sektorunun müdiri məlumat verib.
Saytın məqsədi restoranlarda xidmətin keyfiyyətini artırmaqdır. Portal vasitəsilə turistlər Azərbaycanın bütün regionlarında yerləşən restoranların menyu və xidmətləri ilə tanış ola bilərlər.
Sayt azərbaycan və ingilis dillərində tərtib olunub.
“Çalışırıq ki, restoranlar daha keyfiyyətli menyular təqdim etsin. Layihə çərçivəsində regionlarda olan 50-dən artıq restorana baxış keçirilib. Sahibkarlar ödənişsiz şəkildə öz xidmətlərini buraya yerləşdirmək imkanı əldə edirlər", - deyə Turizm Agentliyinin nümayəndəsi bildirib.
