Noyabrın 27-i saat 8:00-dan noyabrın 28-i saat 18:00-a kimi Heydər Əliyev prospektində və Nəsimi rayonunun Rəşid Məmmədov küçəsində avtomobillərin hərəkəti məhdudlaşdırılacaq. Bu barədə Baş Dövlət Yol Polisi İdarəsindən məlumat verilib.
Bildirilir ki, Heydər Əliyev prospektində yerləşən Bağırov tunelində hərəkət tam dayandırılıb. Belə ki, bu yolda hərəkət 5 saylı ASAN Xidmətin qarşısından keçməklə Heydər Əliyev prospekti ilə şəhər istiqamətində orta zolağa yönəlib.
Nəsimidə Əbdülvahab Salamzadə küçəsindən üzü mikrorayon və Memar Əcəmi metro stansiyası istiqamətinə gedən körpüdə də hərəkət məhdudlaşdırılıb. Burada sürücülər müvəqqəti olaraq, yalnız tuneldən keçən yoldan istifadə edə bilərlər. Əks istiqamətdə getmək istəyənlər körpüyə daxil olmadan sağ zolaqla hərəkət edə bilərlər.
“Vətəndaşlardan xahiş edirik ki, mümkün qədər adı çəkilən küçə və prospektlərdə şəxsi avtomobillərdən istifadə etməsinlər”, - deyə məlumatda qeyd edilib.
