Xocalı rayonunun Əsgəran qəsəbəsindəki qala divarlarının yaxınlığında kütləvi məzarlıq aşkarlanıb. Bu barədə 8 fevral tarixində Report məlumat verib.
Kütləvi məzarlıqda 8 nəfərə məxsus qalıqlar tapılıb. Bu sayın daha da artacağı ehtimal edilir.
Əsir və itkin düşmüş, girov götürülmüş vətəndaşlarla əlaqədar Dövlət Komissiyasının təşkilatçılığı ilə əraziyə xarici media nümayəndələrinin də iştirakı olmaqla mediatur təşkil edilib.
44 günlük Vətən müharibəsindən sonra Şuşa həbsxanası və Daşaltı kəndi, Ağdam rayonunun Sarıcalı kəndi, Xocavənd rayonunun Edilli kəndi, Xocalı rayonunun Fərrux kəndi, Füzuli rayonunun Yuxarı Seyidəhmədli kəndi və Kəlbəcər rayonunun Başlıbel kəndi ərazisində kütləvi məzarlıqlar aşkar edilib. Bu məzarlıqlardan indiyədək 400-ə yaxın insan qalıqları aşkarlanıb.
