Sabiq deputat Fazil Mustafaya qarşı sui-qəsd cəhdi ilə bağlı saxlanılan Emin Əliyarov, Rəşad Əhmədov, Azər Səricanov, Elşad Əsgərov və Səbuhi Şirinovun cinayət işi üzrə məhkəmə prosesi yekunlaşıb. Bu barədə 13 avqust tarixində APA məlumat verib.
Hökmə əsasən, Azər Səricanov ömürlük azadlıqdan məhrum edilib. Cəzasını həbsxanada çəkməsi ilə bağlı qərar verilib.
Rəşad Əhmədov 19 il müddətində azadlıqdan məhrum edilib. Cəzasının ilk 5 ilini həbsxanada, qalan hissəsini isə ciddi rejimli cəzaçəkmə müəssisəsində çəkməsinə hökm edilib.
Səbuhi Şirinov 20 il müddətində azadlıqdan məhrum edilib. Cəzasının ilk 10 ilini həbsxanada, qalam hissəsini isə ciddi rejimli cəzaçəkmə müəssisəsində çəkəcək.
Elşad Əsgərov 18 il müddətində azadlıqdan məhrum edilib. Cəzasının ilk 5 ilini həbsxanada, qalan hissəsini isə ciddi rejimli cəzaçəkmə müəssisəsində çəkəcək.
Emin Əliyarov 4 il müddətində məhrum edilib. O, cəzasını ümumi rejimli cəzaçəkmə müəssisəsində çəkəcək.
Qeyd edək ki, 28 mart 2023-cü il tarixdə saat 21:51-də Azərbaycan Respublikası Milli Məclisinin deputatı Mustafa Fazil Qəzənfər oğluna yaşadığı evin qarşısında “Kalaşnikov” konstruksiyalı avtomat silahından atəş açılaraq terror aktı törədilib.
