“Azəriqaz” Flame Towers-in qarşısında baş verən partlayışla bağlı məlumat yayıb.
Qurumun rəsmisi Trend-ə açıqlamasında qeyd edib ki, partlayış məşəldə baş verib: “Partlayış Bakı şəhər İcra Hakimiyyətinin məşələ nəzarət edən əməkdaşları orada təmir işləri apararkən ehtiyatsızlıqdan baş verən sızma nəticəsində olub”.
“Sayğacdan sonrakı xəttə “Azəriqaz” ASC nəzarət etmir. Yəni hadisə məşələ qədər olan hissədə deyil, məşəlin içindəki xətdə olub”, - deyə əlavə edilib.
Xəsarət alan iki nəfər icra hakimiyyətinin işçiləri olub.
[URIS id=20419]
***
11:30
Bakıda Flame Towers-in qarşısında qaz sızmasından partlayış baş verib, nəticədə 2 nəfər xəsarət alıb. Bu barədə dekabrın 30-da APA məlumat yayıb.
Hadisə Səbail rayonunda qeydə alınıb. Partlayış orada yerləşən sütunun içindən keçən qaz xəttində olub. Yaralananlar xəstəxanaya çatdırılıb.
Partlayış zamanı bir neçə avtomobilə də ciddi ziyan dəyib. Hadisə yerinə hüquq-mühafizə orqanlarının əməkdaşları cəlb olunub.
