Fransalı deputat Jerom Lamber ölkə prezidentliyinə namizədi Valeri Pekrezin Azərbaycanın Qarabağ bölgəsinə qanunsuz səfərinə etirazını bildirib. Bu barədə dekabrın 25-də Diasporla İş üzrə Dövlət Komitəsindən məlumat verilib.
Fransada Azərbaycanın Dostları Assosiasiyasının prezidenti Jerom Lamberin imzaladığı bəyanatda bildirilib ki, xanım Pekrezin bu addımı təxribat xarakterlidir: “Xanım Pekrez Qarabağa səfər etməklə Azərbaycanın suverenliyini pozaraq, təxribat törədir və sülh quruculuğunda hər hansısa rolu oynamaq hüququndan özünü məhrum edir”.
Qeyd edək ki, Fransada keçiriləcək prezident seçkilərinə namizəd Valeri Pekrez dekabrın 22-də Azərbaycanın Xankəndi şəhərinə qanunsuz səfər edib. Bununla əlaqədar Azərbaycan Fransaya etiraz notası təqdim edib.
[gallery columns="1" size="full" ids="19501"]
