Gəncədə noyabrın 24-də mühafizə polisi xidmət vaxtı qəza törədib. Nəticədə bir nəfər xəsarət alıb, bir nəfər isə həlak olub. Bu haqda Daxili İşlər Nazirliyi məlumat yayıb.
Hadisə saat 07:30 radələrində şəhərin Müseyib Bağırov küçəsində baş verib. "Fiat" markalı avtomobilin sürücüsü idarəetməni itirərək həmin küçədə yerləşən mağazalardan birinə çırpılıb. Qəza zamanı sürücü Emin Əliyev yaralanıb, avtomobildə olan polis baş serjantı Renat Əliyev isə xəstəxanaya aparılarkən həyatını itirib.
Faktla bağlı cinayət işi başlanılıb.
DİN-in məlumatına əsasən, 2021-ci ilin 9 ayı ərzində paytaxtda 354 yol qəzası qeydə alınıb. Vəfat edənlərin sayı 145, yaralananların isə 284 təşkil edib.
