May ayının 1-dən Bakının pərakəndə satış şəbəkələrinin birində üztanıma texnologiyası ilə ödənişlərin edilməsinə başlanılacaq. Bu haqda aprelin 18-də APA məlumat verib.
Sözügedən biometrik ödəniş üsulu ilk növbədə “Bravo Supermarketlər” şəbəkəsində tətbiq olunacaq. Daha sonra bu texnologiyadan digər ticarət obyektlərində də istifadə ediləcək.
Bu xidmət Rəqəmsal İnkişaf və Nəqliyyat Nazirliyi tərəfindən lisenziya alan "SmilePay" MMC şirkəti tərəfindən göstəriləcək.
İstifadəçi xidmətdən yararlanmaq üçün "SmilePay" tətbiqində qeydiyyatdan keçməlidir. Daha sonra o, üzünü skan edərək tanıtmalı və kartını əlavə etməlidir.
