Gəncə şəhərinin ərazisində qanunsuz tikintilərin qarşısının alınması istiqamətində mütəmadi olaraq, monitorinqlər keçirilir. Bu barədə İnsanoid Gəncə Şəhər İcra Hakimiyyətinə istinadən bu gün, 4 iyul tarixində xəbər verir.
Monitorinq Gəncə Şəhər İcra Hakimiyyəti yanında Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, FHN-in Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, DYNX-nin Gəncə Regional Dövlət Yanğın Nəzarət İdarəsinin, o cümlədən Əmlak Məsələləri Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələrinin iştirakı ilə keçirilib.
Bu dəfə də aparılan monitorinqlər zamanı müvafiq icazəverici sənədləri olmadan qeyri-yaşayış sahəsinin tikintisinin aparıldığı aşkarlanıb. Belə ki, şəhərin 5-ci mikrorayonunun Sədi küçəsindəki 31 saylı yaşayış binasının qarşısında və Ozan küçəcində aparılan qanunsuz tikinti işləri dayandırılıb və söküntüsü təmin edilib.
Qeyd edək ki, bu kimi tədbirlər şəhər ərazisində mütəmadi olaraq keçiriləcəkdir.
